Home » Magazine » ବିଷ୍ଣୁପଦ ସିଂହଦେଓ : ସ୍ବତନ୍ତ୍ର କବିତା : ଚଲ୍ ଗୋ ପରବ୍ ଦେଖବା

ବିଷ୍ଣୁପଦ ସିଂହଦେଓ : ସ୍ବତନ୍ତ୍ର କବିତା : ଚଲ୍ ଗୋ ପରବ୍ ଦେଖବା

ଚଲ୍ ଦାଦା ନାନା   ଚାଣ୍ଡେ ଯିବା ସିନା
ଇଚାରେ ପରବ୍  ହେଉଛି ,
ଖଡ଼କେଈ ନଦୀ    ପାହରୋ  ଜଲଦି
ନାଗରା ଢୋଲ୍ ଗା ବାଜୁଛି  || ୧

ପରବ୍ ଟାଣ୍ଡିରେ   ଦକାନ୍  ହାଟ୍-ରେ
ବେଜାଇଁ  ସାମାନ୍  ଆସିଛି,
ଘର୍-କରନାର ନାନା ଦରକାର
ଖେଳ୍-ନା  କୁଣ୍ଢେଇ  ଭରିଛି ||୨

ମେଢ୍-ଗା ଦେଖ୍-ବା ଜୁହାର୍ କର୍-ବା
ଦୁଃଖସୁଖ  କହି  ଆସ୍-ବା ,
ଦେବୀ ଦୁରଗାର ଠପେଇ  ଦୟାର
ଆଶାରେ ଗୁହାରି କର୍-ବା  ||୩

ଜିଲ୍-ପି ମିଠେଇ  ପେଡ଼ା ଖଜା ନେଇ
ଚାନାଭାଜା ମୁଢ଼ି  ଘୁଘନି  ,
ଖାଇବା ମଜାରେ ମେଲାର୍ ପାଖରେ
ପରେ ମେଲା ବୁଲା  ହେବନି  ||୪

ଦେବୀ ଆସିଛନ୍  ଦୟା  କରିଛନ୍
ଭଲଦିନ୍  ଚାଣ୍ଡେ  ଆସ୍-ବ,
ଅସତ୍  ଭର୍-ସା   ପରକେ  ଈର୍-ଷା
ଛାଡ଼ିଦେଲେ  ଦୁଃଖ  ସର୍-ବ   ||୫

ବିଦେଇ  ଦିନ୍-ରେ  ଭଷାଣ  ବେଳ୍-ରେ
ଆଖିପାଣି  ଝରେ  ଝର୍  ଝର୍ ,
ପଛ୍-କେ ଚାହାଁନ୍  ଧୀରେ  ଯାଉଥାନ୍
ହାତ୍ ଦେଖେଇ  ଥର୍  ଥର୍  || ୬

ମାଁ ଗୋ ତୋର୍ ବିନା  ଛେଉଁଣ୍ଡିଆ ସିନା
ଆର ବରଷ ଚାଣ୍ଡେ  ଆସ୍-ବ
ଜଗିଥିମୁ ବାଟ୍   ମାଁ ପାଉଡୀ  ପାଟ୍
ଦଶ ଦେଶ  ଦୁଃଖ  ନାଶ୍-ବ   ||୭

Leave a Reply

Your email address will not be published. Required fields are marked *